Бүгүн 22-сентябрда «40 райондон 40 демилге» долбоорунун алдын ала тандалып алынган 34 катышуучусу үчүн “Alfa Leader” тренинг-консалтинг компаниясынын консультанты Назгүл Шекекова бизнести пландаштыруу боюнча тренинг өткөрдү. Тренингдин жүрүшүндө катышуучулар бизнес-пландын түзүмү менен таанышышты. Алар тренингден конкреттүү кырдаалдын мисалында бизнести кантип пландаштыруу керек, кандай маалымат чогултуу жана талдоо жүргүзүү, бизнес-система деген эмне жана ал кандай подсистемалардан турарын билишти. Тренингдин алкагында катышуучулар үй тапшырмаларын алышты, алардын натыйжаларын тренерлер менен жекече коучингдик сессиялардын учурунда талкуулай алышат.