Кыргыз Республикасынын Министрлер Кабинетине караштуу Интеллектуалдык менчик жана инновациялар мамлекеттик агенттиги (Кыргызпатент) жаш калемгерлердин арасында “7 жаш автор” республикалык адабий конкурсун жарыялайт.
Конкурстун максаты – жаш авторлордун китебин чыгарып берүү жана коомчулукка жайылтуу, чыгармачылык ишмердүүлүгүн өнүктүрүүгө өбөлгө түзүү, мыкты чыгармаларды аныктоо болуп эсептелет.
Конкурстун багыты – проза, поэзия, драматургия.
Чыгармаларды кабыл алуунун шарттары:
— чыгармалар мамлекеттик жана расмий тилде кабыл алынат;
— конкурска эч жерде жарык көрбөгөн чыгармалар гана катыштырылат;
— чыгармалар компьютерде 14-шрифт, саптардын аралыгы – 1 интервал, Times New Roman арибинде терилип, 250 беттен ашпоого тийиш;
— кыскача өмүр баяны, сүрөтү, учурда иштеген (окуган) жери жана дареги жазылуусу керек;
-конкурстун жыйынтыгында 7 жеңүүчүнүн чыгармалары Уюштуруучулар тарабынан басылып чыгарылат;
— конкурска жиберилген чыгармалар рецензияланбайт жана кайтарылып берилбейт.
Материалдарды 2024-жылдын 1-февралынан 3-майга чейин gosfond.patent@patent.kg электрондук дарегине жөнөтүп же Бишкек шаары, Москва көчөсү 62 үй дарегине саат 09:00 – 18:00 гө чейин тапшырсаңыздар болот. Толук маалыматты http://patent.gov.kg/, http://fund.patent.kg/ сайтынан таба аласыздар.
Сурап-билүү үчүн байланыш телефондор:
(0312) 68-04-71, (0700) 84-83-29