Интеллектуалдык менчиктин бүткүл дүйнөлүк жана Улуттук күнүнө карата сүрөтчү-график Замир Илиповдун “Манас”, “Семетей”, “Сейтек” аттуу альбом-китебинин бет ачары жана жеке көргөзмөсү өттү.

Иш-чаранын максаты – сүрөтчүлөрдүн, авторлордун инновациялык идеяларын колдоо, чыгармачылыгына өбөлгө түзүү. Ага бир катар ардактуу коноктор чакырылды.

Альбом-китептке 105 баатырлардын жана эпостогу элестер түшүрүлгөн сүрөттөр басылып чыкты. Атайын көргөзмөгө болсо 127 сүрөт коюлду

Мындан тышкары, ал Бексултан Жакиевдин “Манас сүрөттөрдө” деген китебине 350дөн ашык композиция түзүп, дизайнын иштеп чыккан.

Ал Чыңгыз Айтматов атындагы мамлекеттик жаштар сыйлыгынын лауреаты, Интеллектуалдык менчиктин бүткүл дүйнөлүк уюмунун Алтын медалынын ээси. “Элдик казына — тарбиянын башаты” китебинин иллюстратору жана дизайнери, “Сонун Кыргызстаным” аттуу арт-долбоордун уюштуруучусу.