Кыргызпатент тарабынан “40 райондон 40 демилге” долбоорунун алкагында тандоодо жеңип чыккан 8 инновациялык демилге 1 000 000 сомго чейин каржыланган. Жеңүүчү “Кара өрүктү жана жапайы алманы сорттоо, жууп-тазалоо буу менен иштетүү боюнча ыраакттуулук чынжырын орнотуу аркылуу кургаткыч цехти жаңылоо” долбоорунун автору А. Дуулатов Кыргызпатент тарабынан берилген 1 000 000 сомго жашылчаларды жана мөмө-жемиштерди жууп тазалоочу жабдууну сатып алган.

Кара өрүктү жана жапайы алманы сорттоо, жууп-тазалоо, буу менен иштетүү боюнча иштери 2024-жылы август айынан баштала тургандыгы жөнүндө маалымат берилди. Бүгүнкү күндө, сатып алган жабдууну ишке киргизүү үчүн суу түтүктөрүн орнотуу иштери жүргүзүлүүдө. Ошондой эле, 15-30 тонна кара өрүккө буйрутмалар бар экенин белгиледи.

Иш-чарага Кыргызпатентке караштуу Регионалдар аралык бөлүмүнүн башчысы Ч. Жантаев, башкы адиси А. Баймырзаева ошондой эле Ала-Бука районунун мамлекеттик администрациясынын башчысы – акимдин орун басары Ж. Токтогулов, райондук администрациянын жетектөөчү адиси Т. Кашимбеков, Агрардык өнүктүрүү башкармалыгынын  башчысы — М. Узаков жана Ала-Бука районунун Т. Балтагулов айыл өкмөтүнүн башчысынын орун басары — К. Момунова, айыл кеңешинин жоопту катчысы Н. Кудайбердиева, Ала-Бука районунун Т. Балтагулов айыл аймагынын жетектөөчү адиси К. Токтокозуев катышышты. Катышуучулар тийиштүү мониторинг жүргүзүү актысына кол коюшушту.