Иш-чаранын максаты – жаштарды илимий-ойлоп табуучулук жана инновациялык ишке тартуу, билим берүү чөйрөсүндөгү мүмкүнчүлүктөр жөнүндө маалымдуулукту жогорулатуу, региондордун билим берүү мекемелеринин өкүлдөрү жана окуучулары үчүн окутуу методикаларын колдонууга кызыгууну ойготуу болуп саналат.
Иш-чаранын жүрүшүндө креативдүү индустрия, билим берүүдөгү жасалма интеллект технологиялары, заманбап инновациялык химия, ошондой эле инженердик дизайндын негизги принциптери боюнча катышуучуларга мастер-класстар уюштурулду. Жыйынтыгында Кара-Кулжа, Ноокат, Кара-Суу, Чоң Алай, Өзгөн райондорунан катышкан мугалимдер жана окуучулар алган билимдерин андан ары колдонуу үчүн кошумча мотивация ала алышты.