Кыргызпатент тарабынан “40 райондон 40 демилге” долбоорунун жеңүүчүсү “ЭКО Таш — табигый таш аркылуу “жашыл” экономикага” долбоорунун автору Аманбаев Арапбай Абдижалилович Кыргызпатент тарабынан берилген 1 000 000 сомго тийиштүү жабдууларын сатып алган.

Жеңүүчү бүгүнкү күндө долбоордун бет ачаарын өткөрүп, жаңы эле сатып алынган жабдууларынын иштешин көргөзүп, өндүрүлүүчү продукциялары тууралуу айтып берди. Долбоор алдыңкы инновациялык технологияларды, жергиликтүү минералдык чийки затты жана өндүрүш калдыктарын колдонуу менен жаңы курулуш продукциясын өндүрүүгө багытталган. Тактап айтканда, таш иштетүүчү ишканалардын калдыктарын кайра иштетүү жолу менен архитектуралык-курулуш материалдарына айлантуу. Команданын курамынын негизги демилгечилери Нурланбек Калдыбаев жана Азизбек уулу Аскарбек.

Иш чарага Кыргызпатенттин алдындагы Мамлекеттик фондунун аткаруучу директорунун орун басары Т. Муктаров, Кыргызпатентке караштуу Түштүк аймактар аралык бөлүмүнүн башчысы Б. Ибрагимов, жетектөөчү адис А.Алымкулов ошондой эле Өзгөн районунун мамлекеттик администрациясынын Экономика бөлүм башчысы Ашым уулу Нооруз жана Өзгөн районунун айыл өкмөтүнүн башчысы З. Сыдыков катышышты. Катышуучулар тийиштүү мониторинг жүргүзүү актысына кол коюшушту.