Кыргыз Республикасынын Президентинин Жарлыгын ишке ашыруу максатында, бүгүн 2025-жылдын 5-мартында Кыргызпатенттин Окутуу сектору, Интеллектуалдык менчик мамлекеттик фонду жана Инновациялык борбору тарабынан уюштурулган Инновациялык борбордо “Азыркы кыргыз мамлекеттүүлүгүнүн атасы (Абдыкерим Сыдыков, Иманалы Айдарбеков, Жусуп Абдрахманов, Абдыкадыр Орозбеков, Ишенаалы Арабаев” аталышындагы иш-чара болуп өттү.

Иш-чаранын максаты: негиздөөчү аталардын тарыхый ролун изилдөө, азыркы кыргыз мамлекеттүүлүгүн түзүүдө маанилүү роль ойногон инсандар эгемендүүлүктүн, демократиянын жана улуттук эгемендүүлүктүн пайдубалын кантип түзгөндүгүн жаштар арасында жайылтуу максатында уюштурулган иш-чарага 40 жакын университеттин студенттери, окутуучулары келип катышты.

Аларга тарыхчылар Тарых илимдеринин кандидаты Кыяс Молдокасымов, Тарых илимдеринин кандидаты Аида Кубатова, Ж. Баласагын атындагы КУУнун Саясий илимдердин кандидаты, доцент, докторант Чолпонбек Сыдыкбаев жана башкалар келип, кызыктуу тарыхый маалыматтарды айтып берди. Иш-чаранын аягында студенттер арасында суроо-жооптор уюштурулуп, активдүү катышкандарга жаңы чыккан китеп тапшырылды.

Иш-чаранын башында келген студенттерге Инновациялык борбор жөнүндө кыскача маалымат берилип,бөлүмдөрүнө экскурсия уюштурулду.