Конкурстун максаты – басмакана адистеринин кесиптик чеберчилигинин өсүшүн жогорулатуу, мыкты басылмаларды аныктоо, басма ишинин практикасын өркүндөтүү жана республикада жайылтуу, китеп басып чыгаруунун маданиятын арттыруу, китептердин эстетикалык, адеп-ахлактык тарбияга тийгизген пайдалуу таасирин күчөтүү жана өнүктүрүү болуп саналат.

Конкурска 2022-2023-жылдары жарык көргөн китептер катышат.

Жеңүүчүлөрдү аныктоо критерийлери:

• тематикалык жана таануучулук багыт;
• актуалдуулук, көркөмдүүлүк  жана оригиналдуулук;
• чыгармачыл ойдун жаңычылдыгы;
• полиграфиялык аткаруунун деңгээли;
• басып чыгаруу стандарттарына шайкеш келиши;
• окурман коомчулугунун кызыгуусу.

Ошондой эле 4 номинация боюнча жеңүүчүлөрдүн арасынан жылдын окуясына айланган өзгөчө басылма аныкталат.

Конкурстук номинациялар:

1. “Жылдын прозасы” – ата мекендик авторлордун мыкты романдары, повесттери, аңгемелер жыйнактары, новеллалары, эсселери, ошондой эле оригиналдуу басылмалары жана басма сериялары;
2. “Жылдын поэзиясы” – ата мекендик авторлордун мыкты поэзиялык жыйнактары, ошондой эле оригиналдуу басылмалары жана басма сериялары;
3. “XXI кылымдын балдарына” – ата мекендик авторлор тарабынан жазылган балдар үчүн китептер;
4. “Жылдын мыкты басмасы”.

 

Конкурстук иштер 2023-жылдын 14-июлунан 5-сентябрына чейин кабыл алынат.

Сурап ​​билүү телефону: (0312) 68-04-71